Ittra Miftuha lill-Isqfijiet – ‘The Sequel’

L-artiklu tal-Hadd li ghadda “Ittra Miftuha lill-Isqfijiet” qajjem rejazzjonijiet immedjati. Ifisser li kien hemm bzonn li xi mdaqqiet nieqfu u nghidu “daqshekk!”.

 Dizgrazzjatament, xi  mdaqqiet, trid taghmel bhat-tfal iz-zghar li biex jigbdu l-attenzjoni tal-genituri mitlufa fix-xoghol iridu jibku, ihabbtu saqajhom, ma jaghmlux il-‘homework’ u ma jobdux mhux ghax ma jhobbux il-genituri anzi ghax ihobbuhom u jridu l-attenzjoni u l-approvazzjoni taghhom.

Xi mdaqqiet genitur ikun wisq mhedi fuq affarijiet “importanti” li m’ghandux hin biex ‘jahli’ ma’ uliedu.

Jibda jehodhom ‘for granted’ u sakemm ghadhom zghar ikollhom bil-fors jibqghu isabbtu saqajhom u hadd ma jaghti kazhom – anzi jekk il-genitur taqbizlu, malajr ipoggih f’rokna ta’ kamra, jaghlaqlu halqu, u jekk jitniffes jibda jsawwtu jew bil-kliem jew, aghar, bis-silenzju tieghu.

It-tfal iqiesu lill-genituri taghhom bhala “significant others” fil-hajja taghhom. Waqt li ahna l-‘kbar’ (fl-eta’!) nistghu naffordjaw li ‘ninjoraw’ lil min qed ‘jikkawzalna’ t-tbatija, imma t-tfal, ghax ghadhom immaturi u zghar, ma jafux ‘jiddefendu’ lilhom infushom mill-indifferenza tal-genituri. U jmorru fil-kamra jibku u jibnu mibeghda go fihom li iktar ‘l quddiem jisfugawha kontra kull awtorita’ li tirraprezenta n-negligenza tal-genituri tieghu jew taghha.

Waqt li dan fit-tfal johloq problemi psikologici li jridu jigu solvuti iktar ‘l quddiem – ghax inkella kull relazzjoni li jippruvaw jibdew,  tisfuma fix-xejn – imma meta l-istess sfidi trid tiffaccjahom bhala adult facli, jekk mhux imwiegba, li joholqu sens ta’ frustrazzjoni, sens ta’ qtiegh il-qalb. Meta adult isib ruhu f’dan l-ilma, specjalment jekk dan l-ilma qieghed isir kroniku allura jinholqu problem kbar psikologici, religjuzi, li jwasslu ghall-hsara kemm fl-individwu u kemm f’dawk ta’ madwaru.

Araw l-istejjer ta’ bosta nisa li idumu s-snin jghidu lir-ragel li ‘ma jistax ikun nibqghu sejrin hekk’, ‘iddejaqt’, ‘ghadni mieghek minhabba t-tfal, ghax ghadhom zghar, kif jikbru nitilqek’ , u taghmel mill-ahjar li tista’ biex issalva z-zwieg u r-relazzjoni. Imma fl-ahhar tixba’, ma tridx tibqa’ tbati – u titlaq. Hi esperjenza tieghi, bhalma hi ta’ bosta, li meta mara tasal f’dan l-istadju imbaghad difficli mmens biex terga’ lura, u tibda tghix hajja fejn issib il-felicita’ li rari kellha. Hi r-rieda t’Alla li ahna nghixu liberi u mhux f’habs.

Frustrazzjoni li titwal, li qiesu mhemmx soluzzjoni, teffetwa l-imgieba tal-individwu.

L-imgieba tal-adult meta jigi trattat ghal zmien twil b’dan il-mod dejjem ikollha konsewengzi negattivi. Gieli din l-imgieba tkun esterjorizzata meta jkollu l-kuragg jiffaccja u jifhem minn xhiex ghaddej, imma, aghar, meta din l-imgieba tibqa’ msakkra gewwa u wiehed jipretendi li kollox miexi sew.

Ghalhekk hawn min jidhol f’dipressjoni; imur ghandi il-psikjatri u gieli jhossu tajjeb u gieli le. Jghix hajtu jibla’ l-pilloli ghax il-gisem u l-mohh tal-bniedem jiflah jibla’ biss sa certu limiti. Hawn min idum izjed u hawn min idum ftit.

Imbaghad jaghmel suwicidju.

 U naghmlulu funeral.

Ovvjament il-Knisja mhix l-Isqfijiet biss. Il-Knisja hija Ahna li Ahna  l-Knisja.

Imma waqt li ahna, cittadini semplici u ‘normali’, nistghu biss ingergru u niddispraw go fina, min hu fl-awtorita’ fil-Knisja Maltija, bhalma huma l-Isqfijiet, ma jistghux jipretendu li mhemmx problemi jew aghar isallbu lil “whistleblower” jew “il-profeta”.

Ahna lkoll imsejhin biex inkunu ‘profeta’. Profeta huwa dak li msejjah minn Alla biex juri l-volonta’ t’Alla lill-poplu, lir-rejiet u ‘l awtorita’. Hafna profeti ma riedux ikunu profeti. Ippruvaw jaharbu. Bhalma ghamel Gona. Ghax kien jaf li twettaq ix-xoghol ta’ profeta jfisser li trid thallas prezz gholi – anki li titlef hajtek stess.

U peress li hadd minna, almenu jiena, m’jien lest li nsir martri qabel iz-zmien (jekk hemm xi zmien biex tkun martri) allura facli li nirrinunzja ghal dan ir-rwol.

Hafna drabi nies fl-awtorita’ -  nies bil-poter ovvjament biex ‘iservu’, ghandi nifhem lin-nies  - ma jiehux gost bil-profeti madwarhom. Ghax huma dawk li jigbdulhom l-attenzjoni ghal dawk l-affarijiet li sejrin hazin u li huma stess, jew dawk ta’ madwarhom, jitfghu taht it-tapit.

“IT-TLIETA MA’ FR COLIN”

Fil-Programm ta’ kull nhar ta’ Tlieta,“It-Tlieta ma’ Fr Colin” fuq One Radio, bejn l-10.00 pm sa nofs il-lejl, it-Tlieta li ghaddew kien hemm diskussjoni shuna hafna dwar l-Ittra Miftuha lill-Isqfijiet.  Tista’ tisimghu mill-gdid ‘on demand’ fuq One Radio website.

Huwa car li mitt bniedem mitt fehma. Jiddependi hafna kif inti qed tghix dik ir-rejalta’; kemm qed tolqtok fil-laham il-haj jew tolqot lill-hbieb tieghek.

Tista’ tkun osservatur passiv: taqa’ u tqum minn kull problema/sfida  li hawn fil-Knisja Maltija ghax ma tinteressanix, ‘jaraw huma’, ‘ma rridx nidhol bejn il-basla u qoxritha’, ‘ara jien x’ghala biebi minn dak li qed isir fil-Knisja Maltija’.

Tista’ tkun osservatur distakkat tal-hajja madwarek allura dak li jigri, jew jinghad li jigri fil-Knisja Maltija, tqiesu biss bhala fenomenu socjologiku ta’ rejalta’ maltija. Anki minn din il-perspettiva huwa nteressanti li tiffaccja r-rejalta’; tistudjaha; tahseb fuqha intelettwalment.

Tista’ thares lejn dak li jigri jew ma jigrix fil-Knisja Maltija mill-ghajnejn ta’ idejologija religjuza jew politika. L-istess grajjiet tinterpretahom f’dawl totalment differenti minn haddiehor li ghandu vizjoni tal-hajja mhix idejologika.

“U hemm min ihares lejn dak kollu li jigri fil-Knisja Maltija bhala qiesu qed jigri fil-familja tieghu stess. Gieli jaghlaq ghajnejh, gieli jirrabja, gieli jiskuza, gieli jipprova jsolvi l-problemi, gieli jsir passiv u jaqta’ qalbu li l-bidla hi possibli."

U hemm min ihares lejn dak kollu li jigri fil-Knisja Maltija bhala qiesu qed jigri fil-familja tieghu stess. Gieli jaghlaq ghajnejh, gieli jirrabja, gieli jiskuza, gieli jipprova jsolvi l-problemi, gieli jsir passiv u jaqta’ qalbu li l-bidla hi possibli. 

Nistaghgeb, almenu xi ftit, jekk ghadni nistaghgeb b’xi haga fil-hajja, kif l-istess grajja tista’ thares lejha minn ghajnejn differenti. L-interpretazzjoni ta’ dak li qed jigri jkun differenti.

Ovvjament hawn uhud li jichdu r-rejalta’ u jibqghu f’mood ta’ denial.

Imma ohrajn, li qed ifittxu genwinament il-verita’, u li jhossu li m’ghandhomx monopolju tal-verita’, facli li jiffaccjaw nies, ukoll b’rieda tajba, li jhossuhom li jridu jiddefentu l-“verita’” jew jiskuzaw dak li jkun ghaddej jew, aghar,  - bhalma gara fil-kazijiet ta’ pedefolija minn xi nies tal-Knisja, eluf, - niddefendi l-“istituzzjoni” u ninjora d-dnubiet u l-kriminalita’ li qed titwettaq; ninjora l-vittmi u l-hsara ghal ghomorhom li saret.

Bosta kienu l-kummenti u r-rejazzjonijiet li rcevejt dwar ITTRA MIFTUHA LILL-ISQFIJIET.  Uhud kienu ta’ nkuraggiment u ohrajn ta’ kritika.

Ha nibda minn dawk li kkritikaw. Wegghuni mhux ghax ma qablux ma’ dak li ktibt – anzi dan itini iktar ic-cans li naffronta l-vizjoni tieghi u nbiddilha jekk ikun hemm bzonn. Imma dawk li jinsinwaw, jghajjru, jahsbu li huma biss ihobbu lill-Knisja jew huma lejali ghall-Knisja.  L-iktar li wegghuni kienu dawk li jikklassifikaw lill-qassisin li jitkellmu bhala “klikka ta’ qassisin li minflok jghinu lill-Isqof” ma jfihmux li l-kritika taghhom ghandha tkun indirizzata lil dawk ta’ madwar l-Isqof li qed izommuh milli jwettaq dak li hu gust u tajjeb.

Jew min semma affarijiet li nghidu b’kunfidenza lil hbieb.

Jew min jitghajjar lil min jiftah halqu bhala “zlejalta’”.  Nista’ nizgurakom li l-qassisin li nitkellem maghhom mhumiex dawk li ghadhom hergien mis-Seminarju li uhud minnhom ghandhom gejjieni li jridu jibnuh. Imma sacerdoti, mimlija bl-eta’, u li l-lejalta’ taghhom lejn il-Knisja urewha matul l-40, 50, 60 sena ta’ dedikazzjoni ghall-vokazzjoni taghhom. Huwa veru ngust li wiehed jitkellem dwar ‘zlejalta’ fuq dawn il-qassisin, uhud minnhom mimlijin bil-ghomor, imma li jzommu ruhhom aggornati ghax kienu, ghadhom u jibqghu ihobbu lill-Knisja.

Dun Guzepp Borg Micallef, tal-Furjana, huwa mimli bil-ghomor, qassis li dejjem kien vicin in-nies, izomm ruhu aggornatissmu, u kapaci jwassal lil dawk li qatt ma jaqraw, jew jaqraw ftit, x’qed jigri ILLUM fil-Knisja. Jiena konvint li Dun Guzepp hu profeta u jrid ihallas il-prezz ta’ profeta. Min jafu, bhalma nafu jien, jixhed dwar il-lejalta’ assoluta lejn Gesu’ Kristu u l-Knisja tieghu.

Nirringrazzja wkoll lil dawk li wassluli kelma ta’ kuragg. Kienu bosta, anki sacerdoti, patrijiet, religjuzi, irgiel u nisa, u professjonisti ohra. Nislet biss dawn it-tnejn li huma sintomatici:

“I like it!!!  it is very strong worded...but guess it is needed too!!” (Toghgobni (L-Ittra Miftuha lill-Isqfijiet)!!! Uzajt kliem li huwa b’sahhtu hafna ….imma, nahseb, li hemm bzonnu wkoll!!!”

“Proset tal-artiklu tat-2 ta’ Mejju fit-Torca. Imma ippermettili nikkoregik  tikka….id-dghajsa ta’ Pietru f’Malta qed teghreq fil-maltemp.

U hadd mhu jaghmel xejn.

Il-fottimenti  flok (ghidtha bil-Malti, kif nitkellmu) li hemm ghaddejjin huma kbar immens u tal-misthija.

Miraklu  jrid ikun biex il-Knisja f’Malta ssalva.

Ma ghamiltiex share fuq facebook ghax malajr nircievi telefonata minn fuq….”

Il-lejalta’ tieghi hi lejn Gesu’ Kristu u l-volonta’ tieghu. Iva, gieli jcempilli. Icempilli “minn Fuq” permezz tan-nies u c-cirkostanzi. Qed nipprova nisimghu.

Colin Apap